Sy het op vierjarige ouderdom ‘n prys by die plaaslike
basaar gewen en toe die beoordelaar vra of sy iets wil sê
het sy gevra of sy ‘n liedjie mag sing. Vandag sing sy
steeds!
Ella weet van sprokies wat waar word. Die vrystelling van haar
debuutalbum: Foto van my Sprokie. Dié pragproduksie deur
Louis Brittz Produksies en verspreiding deur Merchant Music
het op ‘n wonderbaarlike wyse deur ‘n borgskap van Anton Smith Attorneys ontstaan.
Dit is op dié CD waar Ella die geleentheid kry om haar passie asook opleiding in ligte musiek uit
te leef en toe te pas. 12 liedjies op die album het uit haar pen gevloei en met haar heuningryk
stem beloof die snitte en gehalte van die CD om nie teleur stel nie.
Ella het al vir verskeie kunstenaars agtergrond musiek gedoen en ook tydens studio opnames
sessie-werk gedoen. Sy het onlangs by die Performer-teater in Pretoria opgetree waar 250
kaartjies uitverkoop is en die aand ‘n reuse sukses was. Slegs 3 weke later is dié CD tydens ‘n
vertoning in die Centurion-teater opgeneem.
Ella het al oorsee in lande soos die Verenigde Koninkryk en België getoer, en tree dikwels by
korporatiewe funksies en plaaslike feeste op.
Die bedryf sê die volgende van haar musiek:
“Sy is Koos du Plessis in vroulike vorm en ons gaan nog baie van Ella hoor” – Derrich Gardner
(DKNT aanbieder en Radio omroeper)